|
Galaxy info |
Galaxi Info
We zin int jaar 2000. Veugel en winnie komen nog ne keer tesamen ip nen zaterdagavond. ze zaten een beetje te klappen en te orten noar de muziek. Toen winnie van plan wa om noar huis tegaan steeg er plotseling een rookwolkske ip in veugels kot. Het twa de geest "Galaxy". Ie zei tegen oens dan er veel gasten waren die nie wisten wa gedaan ip ne zaterdagavond. Ze kregen de ipdracht voor ip die gasten te letten. Ze kregen een lijste van gasten die under verveelden. Neerste die ter bie kwam wa een zekere Brecht. Brouckie voor de maten. Ie wa vreet onder den indruk over wat er zich al afspeelde in min kot. Ie kende nog gasten die zich verveelden en ie ging ter voor zorgen dater nog gingen biekomen. Winder vonden da de max, want we kosten eigenlijk wa leute bezigen. De eerste volgende feeste was zovere. We zient nog al voor oens ogen. Twa ip ne vreet koude 25 december dag. Veugel en winnie an were afgesproken om te orten noar stubru. Toen kwam dar ineens 2 gasten binnen. De een a lang haar en zat ip de zelfste schole lik veugel. Wa erger wa ie zat zelfst in de zelfste klasse. Eli wa zin name. Den twede die ter bie wa, was oek een mee lang haar en ie droeg een gabber veste. Da ventje noemde Jille. Na veel zuipen en chips te boefen gingen ze met spijt in het hart noar huis. Moar ze kregen nog een bijkomende ipdracht van veugel en winnie. Ip 2 januarie 2001 gaf veugel weere een feeste. Eli en jille moesten maten van zunder meepakken. Ip den 2den januari kon veugel zin ogen nie geloven. Al da volk dat ter doar wa. Verzere een stuk of 10 man. Met die gasten zin winder verder gegaan int uitbouwen van de Galaxy. Iedere weke kwamen ze toope tegaare, om leute te maken en pinten te pakken. In de loop der weken zin der ton nog een paar gasten biegekomen, moar oek verdwenen... ...En da is een betje de zever over de Galaxy !!!
|
